Ring Road News : उत्तर महाराष्ट्रातला मोठा बदल अखेर प्रत्यक्षात घडायला लागल्याचं चित्र आज दिसलं आणि जळगाव शहरात तर सकाळपासूनच चर्चा रंगली आपल्यालाही नाशिकसारखा रिंग रोड मिळणार का खरंच? कारण अनेक वर्षांपासून जळगावकरांच्या डोक्यावर बसलेली वाहतुकीची कोंडी, ट्रकची गर्दी, महामार्गातून शहरातच घुसणारी वाहनांची वहातूक… या सार्या त्रासातून मुक्त होण्याची आशा लोकांनी कित्येक वेळा पाहिली, पण काम काही सुरूच होत नव्हतं. आज मात्र ही आशा पुन्हा एकदा उजळून निघाली आहे.
जळगाव शहराकडे दररोज आसपासच्या गावांतून पाळधी, नशिराबाद, तरसोद, आसोदा, ममुराबाद अशा अनेक भागांतून वाहतूक शहरात भरकटत येते आणि कधी Bus Stand जवळ तर कधी परीसरात अशी ट्रॅफिकची कोंडी उभी राहते की रुग्णवाहिकेलाही वाट मिळत नाही. एखाद्या कामासाठी दहा मिनिटांचा रस्ता अर्धा तास लागतोही जळगावकरांची रोजचीच कथा. म्हणूनच ४० किलोमीटरच्या भल्यामोठ्या रिंग रोडचा प्रस्ताव अनेक वर्षांपासून धूळ खात पडला होता. Ring Road News
राज्य पातळीवर मंत्री गुलाबराव पाटील यांचा सततचा पाठपुरावा असूनही निधी, भूसंपादन आणि प्रशासकीय अडथळ्यांमुळे हा प्रकल्प पुढे सरकत नव्हता. लोक म्हणत होते, कधी होणार हा रिंग रोड? की अजून काही वर्षे ट्रॅफिकमध्येच अडकायचं? पण आता खासदार स्मिता वाघ यांनी थेट केंद्र सरकारकडे हा मुद्दा लावून धरताच परिस्थितीत बदल दिसू लागलाय. केंद्रीय मंत्री नितीन गडकरी यांनी स्वतः या प्रस्तावाची दखल घेत NHAI ला संपूर्ण प्रकल्पाचा ताबा दिला आहे, आणि हाच सर्वात मोठा गेम-चेंजर मानला जातोय.
NHAI कडे प्रकल्प गेल्याने काम प्रत्यक्षात सुरू होण्याची शक्यता अधिक बळावली आहे. यासाठी पुढचं महत्त्वाचं पाऊल म्हणजे सविस्तर प्रकल्प अहवाल—DPR. तो तयार करण्यासाठी ऑनलाईन निविदा काढण्यात आली आहे आणि निविदा पूर्ण होताच खासगी एजन्सी कामाला लागणार आहे. DPR आल्यावर रिंग रोड कुठून जाणार, किती पूल, किती जमीन लागणार, किती खर्च सगळं स्पष्ट होईल.
या रिंग रोडचा प्रस्तावित मार्गही खूप महत्त्वाचा आहे. धरणगाव, एरंडोल आणि जळगाव तालुक्यातील तब्बल ११ गावे थेट जोडली जाणार असून पाळधी – दोनगाव – फुपनगरी – ममुराबाद – आसोदा – तरसोद – नशिराबाद – मन्यारखेडा – कुसुंबा – मोहाडी – टाकरखेडा असा मोठा रिंग रोड आकार घेताना दिसतोय. हा मार्ग शहराला बायपास देईल, भारी ट्रक वाहतूक शहरात येणार नाही आणि मध्यवस्तीतील कोंडी अर्ध्यापेक्षा जास्त कमी होईल.
ज्या जळगावकरांना फार दिवसांपासून शहरात ट्रॅफिकचं राज्य आहे, काहीतरी उपाय हवा असं सतत वाटत होतं, त्यांच्यासाठी ही बातमी नुसती माहिती नाही तर एक दिलासा आहे. कारण रिंग रोड झाल्यावर शहरातील रुग्णवाहिका जलद पोचतील, ग्रामीण भागांमधील मालवाहतूक थेट बायपासने जाईल, आणि भविष्यातील शहर विस्तारालाही योग्य दिशा मिळेल.
प्रकल्प संचालक रावसाहेब साळुंके यांनीही सांगितलं की DPR आल्यानंतर रिंग रोडच्या प्रत्यक्ष कामाला गती मिळेल. लोकांचीही आता अपेक्षा वाढली आहे यावेळी तरी हा प्रकल्प पूर्ण व्हावा, नाहीतर जळगावचं ट्रॅफिक कुठे थांबणार?
एकंदरीत, अनेक वर्षांच्या प्रतीक्षेनंतर जळगावला रिंग रोड मिळण्याची शक्यता आता खरोखरच जवळ आली आहे. या प्रकल्पामुळे शहराला मिळणारा दिलासा किती मोठा आहे हे जळगावातील प्रत्येक रहिवाशाला आज नक्कीच जाणवत आहे.
(Disclaimer: वरील दिलेली माहिती ही प्रसारमाध्यमांच्या आधारे आहे याबाबत आम्ही कुठलाही दावा करत नाही)